Azərbaycanca

						
"E mehkeme qerari acılmir gorsenmir" problemin həlli

E-məhkəmə saytında qərarın yalnız birinci səhifəsi görsənir digər səhifələri görsənmirsə aşağıdakı məqaləni oxuyun

e-mehkeme.gov.az saytında olan məhkəmə qərarlarının “Iphone” və “Ipad” cihazlarında görsənməməsinin (açılmamasının) səbəbi budur ki, həmin qərarlar sayta “EDOC” mətn faylı şəklində yerləşdirilir. “EDOC” faylı yalnız şərqi Avropa ölkələrində geniş istifadə olunur, lakin ABŞ ərazisində “EDOC” mətn faylı bir o qədər də istifadə olunmadığından həmin ölkə tərəfindən istehsal olunan “Iphone” və “Ipad” cihazlarında bu mətn faylı dəstəklənmir və bu səbəbdən də həmin “EDOC” faylı bu cihazlarda açılmır. Bu problemi həll etmək üçün aşağıdakılardan birini edin:

1.	“Iphone” və ya “Ipad” cihazınızda “Safari” brauzerini (mobil tədbiqi) açın, həmin brauzer vasitəsi ilə “e-mehkeme.gov.az” saytındakı məhkəmə qərarının linkini daxil edin, açılan səhifədə məhkəmə qərarının ön səhifəsi görünəcəkdir. Barmağınızı həmin qərarın üzərinə sıxıb saxlayın, həmin yer haşiyəyə alınan kimi barmağınızı ekrandan buraxmadan həmin qərarı aşağıdakı link yazılan xananın üzərinə daşıyın və “+” işarəsi çıxan kimi barmağınızı buraxın. Həmin məhkəmə qərarı yeni səhifədə artıq “PDF” mətn faylı şəklində açılacaqdır və siz həmin faylı artıq oxuya və digər əməliyyatlar (yükləmək, göndərmək və s.) yerinə yetirə bilərsiniz. Qeyd: Kömək üçün aşağıdakı videoya baxın;

2.	Əgər yuxarıda yazılanlar probleminizi həll etmədisə o zaman “Iphone” və ya “Ipad” cihazınıza “Google Chrome” mobil tədbiqini yükləməklə həmin brauzer (mobil tədbiq) vasitəsi ilə “e-mehkeme.gov.az” saytında olan məhkəmə qərarlarına baxa bilərsiniz;

3.	Əgər yuxarıda yazılanlar probleminizi həll etmədisə o zaman “Iphone” və “Ipad” cihazınızda mətn konvertoru icra edən mobil tədbiqlərdən istifadə edə bilərsiniz, yəni yüklədiyiniz “EDOC” faylını “PDF” faylına konvertləşdirərək həmin mətn faylını rahatlıqla oxuya bilərsiniz. Lakin həmin mobil tədbiqlər ödənişli də ola bilər.